الرئيسيةمكتبة الصوربحـثالتسجيلالتسجيل دخول



احنا يا جماعه شغالين حاليا على صفحتنا على الفيس بوك ياريت تتابعوا أنشطتنا عليها من حملات نظافة
 وحملات توعية ومحاضرات و اعمال تطوعية تانية كتير

وسوف يتم عمل موقع خاص بفريق عيشها صح قريبا ان شاء الله

البيج الرسمية للفريق :
https://www.facebook.com/3sa7.official


البيج الرسمية لاحدث كورسات الفريق :

http://www.facebook.com/3sa7.Courses


فريق عيشـــها صـــح

Find Us oN

&&



اضغط هنا أخى الكريم وساهم معنا فى نشر منتديات عيشها صح على الفيس بوك
  
Free counter and web stats

شاطر | 
 

 اتكلــم براحــتـــــك !!

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
™!KeMoOo!™
لا إله إلا الله

لا إله إلا الله
avatar

. :

ذكر
رقم العضوية : 1
الإنتساب : 02/02/2009
المشاركات : 4763
التقييم : 17

مُساهمةموضوع: اتكلــم براحــتـــــك !!   الخميس 3 سبتمبر - 9:23




كل واحد فينا بيمر بمشاكل ومفيش حد خالى من الهم

وانا حسيت اننا هنا بقينا زى ما نكون اسرة واحدة

وعشان كدة قولت لازم اعمل الموضوع ده

وهو عبارة عن ان اى واحد فينا عنده مشكلة او فيه حاجة مضايقاه

او محتار فى الاختيار بين كذا حاجة

او عمل غلط او ذنب وحابب انه يفضفض عشان يستريح

طبعا ناس كتيييير هيكونوا مكسوفين يتكلموا باليوزر الحقيقى بتاعهم

وعشان كدة انا عملت يوزر

اى واحد عاوز يفضفض هيخش بيه



اليوزر اسمه : اتكلم

الباسورد : 123456




ياريت كلنا نشارك بعض همومنا ومشاكلنا وافكارنا

رجاء أخير : ياريت محدش يستخدم اليوزر ده فى اى اغراض تانية

فى انتظار تفاعلكم وياريت اعرف رأيكم فى الموضوع كمان







[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://3eshhasa7.ibda3.org
saso&yoka
مشرفــــة القسم الثقافى
مشرفــــة القسم الثقافى
avatar

. :

انثى
رقم العضوية : 208
الإنتساب : 07/07/2009
المشاركات : 1433
التقييم : 8

مُساهمةموضوع: رد: اتكلــم براحــتـــــك !!   الخميس 3 سبتمبر - 9:54

موضوع فعلا جميل جداااا
و حلوة اوووى فكرة اليوزر المستعار
كدة فعلا هيكون احسن
شكرااا على الافكار المفيدة
SASO














الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://3eshhasa7.ibda3.org
sweet angel
مشرف ســابق
avatar

. :

انثى
رقم العضوية : 205
الإنتساب : 03/07/2009
المشاركات : 2139
التقييم : 9

مُساهمةموضوع: رد: اتكلــم براحــتـــــك !!   الخميس 3 سبتمبر - 17:13

ياااة شكرا كتير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
carolgerdak
.
.
avatar

. :

ذكر
رقم العضوية : 121
الإنتساب : 18/03/2009
المشاركات : 482
التقييم : 6

مُساهمةموضوع: رد: اتكلــم براحــتـــــك !!   الخميس 3 سبتمبر - 20:44

تسلم ايدك على الافكار الرااااائعة دى

انت بجد راااااائع

انا كنت فعلا محتاج موضوع زى ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
black fox
.
.
avatar

. :

ذكر
رقم العضوية : 275
الإنتساب : 02/08/2009
المشاركات : 96
التقييم : 7

مُساهمةموضوع: رد: اتكلــم براحــتـــــك !!   الخميس 3 سبتمبر - 23:14

الموضوع رائع بس انا ملاحظ كده ان محدش دخل عليه


ودى طبعا حاجه كويسه يعنى محدش عنده مشاكل

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اتكلم
.
.
avatar

. :

ذكر
رقم العضوية : 320
الإنتساب : 03/09/2009
المشاركات : 9
التقييم : 6

مُساهمةموضوع: رد: اتكلــم براحــتـــــك !!   الجمعة 4 سبتمبر - 3:33

اسمحولى اكون اول واحدة تحكى حكايتها
لانى حسة نتأنيب ضمير و مش عارفة اعمل ايه
احب اعرفكم بنفسى
انا فتاة تتمنى تعيش فى دنيا تانية للاسف دنيا فى خيالى بس
مش هطول عليكم هدخل على طول فى حكايتى
و انتم ليكم الحكم
من كتر احساسى بالذنب حبيت اتكلم مع ربنا عشان يريحنى و يهدينى للحل
و فعلا فكرت و ربنا هدانى انى ادخل على موقع الاستاذ عمرو خالد او مصطفى حسنى عشان يقولولى رأيهم
بس انت بقى سبقتنى يا مديرى و عملت الموضوع ده قبل ما ادخل و اكلمهم
بس المشكلة بجد انى مترددة احكيها لحد يفهمنى غلط
بس امرى الى الله عشان انا تعبانة و محتاجة حد يريحنى
نبدأ القصة
انا بنت زى غيرى كتير من البنات
مشية بمبدأ فى حياتى فى مسألة الحب و مقتنعة بيه جداااا
و حريصة انى مخالفوش
بس للاسف حصل موقف معين كنت فاكرة ساعتها انى بنفذ مبدأى لكن اكتشفت بعد كدة انى خالفت مبدأى
و هو ده سبب عذابى
اسمحولى اعرفكم بابطال القصة
صاحبتى مى
فلان
انا
ملحوظة احنا التلاتة كنا فى فصل واحد فى ابتدائى
ابدأ قصتى من المرحلة الاعدادية اتحركت مشاعرى تجاه جارى
حبيته حب صامت محدش يعرفه غير صحابى
اما جارى اللى بحبه مكنش يعرف لانه كان صاحب اخويا
و بباه صاحب بابا
مكنش فى بينا حتى السلام او حتى صباح الخير لانى رافضة ان يكون فى بينى و بين اى ولد علاقة السلام حتى
رفضت اصرح بحبى ليه او حتى المح له بمشاعرى
لاحترامى لاهلى اولا
و خوفى من غضب ربنا لانى عارفة ان مجرد انى اتكلم مع اى ولد فى مجال غير مجال الدراسة او العمل اكيد حرام
و بعدين بصراحة ببحبش موضوع المكالمات السرية اللى بتحصل بليل من وراء الاهل
و كمان رافضة الكلام اللى بيتقال فيها
و بعد كدة احترامى لنفسى و منظرى قدامه
وغير كدة انا عارفة ان ده حب مراهقة فارغ و هيروح لحاله
فانا حبيت انى اعدى المرحلة دى بسلام و مكنش كلمت فيها اى ولد زى باقى البنات و زى اصحابى ما كانوا بيعملوا
المهم استمر الحب السرى الصامت لمدة خمس سنوات
عدت مرحلة الاعدادى و خلصت و نجحت بمجموع عالى الحمد لله
دخلت مرحلة الثانوى مرحلة خطيرة جدااا
المهم استمر حبه الصامت معايا
اصحابى بقى كانوا بيحكولى عن قصص الحب اللى هما عيشنها و على الكلام اللى بيقولوه لبعض فى مكالماتهم
بس الحمد لله اخترت رضا ربنا و محبتش انى اغضبه و اعمل زيهم
ليكوا ان تتخيلوا مشاعرى اصحابى كلهم عايشين قصص حب بتروح و بتيجى
و انا ساعات بيبقى نفسى حتى اقوله سلام عليكم
بس طول الخمس سنين مكنتش بشوفه غير صدفة فى الشارع و كمان لما بشوفه ببص فى الارض
الكام مرة اللى شفته صدفة فيهم فى الشارع ميزيدوش عن خمس مرات تقريبا
المهم قررت انى انساه بس ازاى ؟؟؟؟
هقولكم فى تانية ثانوى اصحابى كلهم دخلوا ادبى و انا الوحيدة اللى دخلت علمى
و اكيد طبعا المذاكرة اهم حاجة فى حياتى بعد رضا اهلى و ربى عليا
المهم كان عندى بعد اجازة نص السنة امتحان مهم جداااا فى القصة اللى موجودة فى الانجليش
فساعتها قررت انى انساه
انا بحب اوووى و انا مسافرة البلد ابص للاراضى الزراعية و على السما و اسرح فى ملكوت لوحدى
المهم فى السنة دى اللى هى تانية ثانوى
اخترت انى اسرح غى الملكوت ده بس و انا بكلم ربنا و ادعيله و كنت بقول لربنا كلام انا و ربنا بس اللى نعرفة
كلام خاص بين العبد و ربه
كنت بقوله يارب املأ قلبى بحبك مش عايزة احب حد غيرك مش عايزة يكون فى حياتى حد غيرك و لا حب حد غيرك
نرجع تانى للامتحان اللى كان عندى طول اسبوعين الاجازة كنت مقسمة الايام
يوم اذاكر لحد اذان الفجر و اقوم اصلى الفجر و بعدين اكمل مذاكرة لحد ما انام
و يوم اذاكر لحد قبل الفجر بساعة و اقوم اقيم الليل و ادعى ربنا و اتكلم معاه و ابقى انا و ربنا وبس
اكلمه و يريحنى ادعياه و يسمع دعائى و افضل كدة لحد اذان الفجر اقوم اصلى و بعد كدة اكمل مذاكرتى
و فى دعاء خاص كنت بدعى بيه ربنا
كنت بقوله يارب لو حبى الصامت ده خير ليا و ليه خلينى احبه فى صمت و انا راضية بس نكون لبض فى الاخر
و لو كان الحب ده مش خير ليا او ليه خلاص يارب خلينى انساه خالص
و بدل حبه الصامت بحبك انت يا رب
و كنت بقوله يارب انا مش عايزة احب بشر انا عايزة احبك انت
المهم بعد الاسبوعين امتحنت و الحمد لله جبت الدرجة النهائية ده فى امتحان القصة اللى فى المنهج
اما قصة الحب الصامتة انتهت و الحمد لله و بقى فى قلبى حب ربنا بس
و ساعتها حمدت ربنا ان جارى معرفش انى بحبه لحد ما انتهت القصة
و الحمد لله انتهت على خير زى ما تكون سحابة جت و مشيت على طول بدون اذى او مطر او حتى ترك اثر صغير
و بسبب انى راعيت ربنا فى القصة دى حسيت ان ربنا هيكافأنى فى يوم من الايام
انتهت سنة تانية و دخلت سنة تالتة ثانوى و مذاكرتى هى بس اللى فى تفكيرى و الحمد لله
المهم انتهت سنة تالتة و دخلت كليتى اللى انا بحبها جداااااا لانها ممتعة جداااا
انا داخلة الجامعة و مقررة و نوية انى اخد كليتى فى اربع سنين بس و بعد كدة اسافر برة واحضر دراسات عليا
هتقولولى و ايه الحلم فى انى اخد كليتى فى اربع سنين بس
احب اوضحلكم ان كليتى مشهورة ان محدش بياخدها فى اربع سنين و الاغلب لازم يدبلر فيها
هنا بقى ابطال القصة هيظهروا فكرينهم
مع بداية السنة رن جرس التليفون مين كانت مى
بعد السلامات قالت لى عارفة انا بقابل مين قولتلها مين
قالت لى فلان قلتلها و بتقبليه فين قالت لى عندى فى تجارة
قالت لى بنهزر و بنضحك المهم قلتلها على فكرة احنا فى رمضان انتو ايه ببتصوموش و لا ايه
قالت لى لا يا بنتى عادى
المهم قالت لى عايز يشوفك قولت لها لا طبعا مينفعش
اقولهم ايه فى البيت رايحة اقابل ولد طبعا مينفعش
و فى نفس الوقت مينفعش اكون نزلة قدام اهلى الصبح على اساس انى رايحة الكلية و انا رايحة اقابل ولد
ساعتها هحس انى بخونهم و بغدر بيهم لما اخون ثقتهم فيا
لان بابا مدينى ثقة عمياء لانه عارف هو مربينى ازاى فانا استحالة اطلع نادلة و اخونهم
مكنتش اعرف مع سواله عليا هيتولد حب فى قلبى هو ده بقى سبب عذابى
المهم بعد 3 ايام من مكالمة مى كلمتها تانى و قولت لها خير هو كان عايز يقابلنى ليه
قالت لى ابدا يا بنتى ده و احنا بنتكلم جت سيرتك انت و بنت تانية
فسأل عليكى انت فى كلية ايه
فقولت له دى فى كلية ...... جنبك
قال لى طيب انا عايز اشوفها
قولت له اشمعنه سألت عليها منا قولت اسم بنت تانية
قالى ملكيش دعوة انا بس عايز اتكلم معاها
قولت مش هتوافق
قالى لا هتوافق انت بس قولى لها و هى هتوافق
انا بقى قولتلها بعد ما حكت لى الحوار اللى دار بينهم انه مش هينفع اقابله
و طبعا رفضت تنفيذا لمبدأى و احتراما لاهلى
و كالعادة اتولد حبه الصامت جوة قلبى
طول الترم الاول و حبه الصامت بيكبر جوايا
حب من نوع تانى حب ملوش علاقة بحب المراهقة
حبيته لدرجة محدش يقدر يتخيلها
كنت بتمنى افديه بحياتى لو كان ساعتها هيبقى سعيد
كنت بتمنى اموت فى حضنه و هو اللى يموتنى بأيده و هبقى راضية و مبسوطة بي مبعدش عنه
كنت بتمنى انه يأخدنى فى دنيا اكون فيها انا و هو بس
انا ليا دنيتى الخاصة اللى فى خيالى اللى بتمنى اعيش فيها محدش قدر يعيش فى خيالى معايا فى الدنيا دى الا هو
كنت بحبه بكل ما تحتويه الكلمة من معنى
حبيته لدرجة انى رسمت حياتى و مستقبلى معاه فى خيالى و هو ميعرفش
كان فى نظرى احسن واحد فى الدنيا كان فى نظرى محترم جداااا و ذوق جدااا
كنت حسة انى هعيش فى امان مطلق لما هبقى معاه
كان كل اللى فى دماغى حبه و بس
و مع ذلك كنت مشية على مبدأى
جة الترم التانى و انا شيفة بردو كل البنات صحابى عيشيت فى قصص حب و انا كالعادة عيشة الحب فى خيالى بس
المهم فكرت و قولت طب هو سأل عليا و كان عايز يشوفنى و يتكلم معايا
و انا بحبه جداا يعنى فى علاقة حب بينا فقررت الجأ لمى عشان اتكلم معاه مع ان كل اصحابى كانوا رافضين انى ادخل مى فى
الموضوع بس هى اللى كانت قدامى عشان ارتاح
المهم رحت لمى البيت و اتكلمت معاها و فهمتها اد ايه انا بحبه
قالت لى ده بقى قليل الذوق و عشان تنسيه لازم تقابليه
انا عارفة ان المقابلة هتبقى صعبة جداااا
بس بينى و بينكم وافقت عشان كان نفسى اتكلم معاه
و فعلا جه يوم المقابلة
بس اليوم اللى قابليه كان عندى امتحان ميدترم و ربنا وحده الاعلم انا حليت في الامتحان ازاى
المهم المقابلة بقى كان مدتها خمس دقايق
الحوار اللى دار بينا عن الكلام اللى و صلى و بجد كان فى منتهى قلة الذوق
اتصدمت صدمة عمرى كلها
اصلى كنت حاسة انه مكافأة ربنا ليا بعد صبرى ده كله
و كنت فاهمة انها قصة حياتى اللى هتنتهى بالجواز
عشان كدة قلت هو ده وقتى
المهم ملخص المقابلة انه طلع قلبى ادامى و اعد يقطع فيه و اقطعه لحتت كتيييير صعب جداااا لمها تانى
و خد احلامى و قطعها و هدم مستقبلى
و فى الاخر رمى ده كله و سبنى انا المه المهم لملمت قلبى و مشيت بس سبت احلامى و مستقبلى انا خلاص مش عايزاهم
و اخدهم اعمل بيهم ايه
و بجد سبحان من صبرنى و مخلنيش اعيط قدامه ساعتها حسيت ساعتها ان ربنا ثبتنى
و طبعا ربنا كان لازم يقف جنبى لانه رحيم و لانى بتاعة ربنا
مش عايزة اقولكم حالة الاكتئاب اللى انا كنت فيها اكتر وقت اتمنيت فية انى اموت تقريبا كنت بتمنى الموت كل اسبوع
فقدت الامل فى كل حاجة فقدت الامل فى المستقبل فقدت الامل فى الدنيا
يتبع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اتكلم
.
.
avatar

. :

ذكر
رقم العضوية : 320
الإنتساب : 03/09/2009
المشاركات : 9
التقييم : 6

مُساهمةموضوع: رد: اتكلــم براحــتـــــك !!   الجمعة 4 سبتمبر - 5:16

ببقتش شيفة اى حاجة حلوة فى الدنيا بقى العياط حاجة ملازمانى
بس الحالة اللى انا كنت فيها فى امتحانات اخر السنة احنا بنمتحن امتحانين كل اسبوع
المهم فى اسبوع كان عندى فى امتحانات مهمة جدااا و صعبة جداااا بجد كنت منهارة و معرفتش اذاكر خالص
و معرفش ازاى انا دخلت الامتحانات دى
بس الحمد لله عدت الامتحانات و انا كنت فاكرة انى هدبلر و رايحة اجيب النتيجة من الكنترول و انا واتقة انى مدبلرة سنة اولى
بس كانت المفاجأة انى نجحت الدكتور قالى يا بنتى ده انت خدتى الميكسمم فى الرأفة عشان تنجحى
ده انت كنتى هدبلرى على درجة
انا عايزة اقولكم انى كنت واقفة قدام الدكتور عيط من كتر ما انا مش مصدقة انى نجحت
الحمد لله حلمى الدراسى متهدش هو كمان
دلوقتى انا حسة بالذنب لانى حسة انى خنت الراجل اللى هيتقدملى بعد كدة
و مش عارفة لما يسألنى حبيتى قبلى ولا لا ارد اقوله ايه
محتارة بين اختيارين و مش عارفة اختار ايه
خيفة اقوله لا محبتش و اكدب عليه و اغير مبدأى و انا مش عايزة اكدب عليه لانى بكره الكدب جداااا
و ببحبش اكدب متعمدة
و فى نفس الوقت اخاف انى اكون عبد غبى ستره ربه ووقف جنبه و هو فضح نفسه
انا غصب عنى ضعفت و رحت قابلته لانى بشر و البشر بيغلط
و انا بجد مش عارفة اعمل ايه انا حسة بالذنب
كان نفسى مترجمش مشاعرى لاى حد غير الراجل اللى هيبقى جوزى
بس بجد انا وافقت ساعتها انى اترجم مشاعرى لانى كنت مقتنعة انى استحالة اكون لحد غيرى
كان فى نظرى انه هيبقى جوزى
كان فى نظرى هو مكافأة ربنا لبا على صبرى
قلت هو هيبقى جوزى فلما هيسألنى حبيتى قبلى و لا لا اقوله انه اول حب فى حياتى و انا واثقة من اللى بقوله
بس الله يسامحه و يسامحها على الحيرة اللى وقعونى فيها
انا دلوقتى ارفانة منه مش طايقة حتى اقول اسمه
انا بسببه
اتهدت احلامى و مستقبلى
فقدت الثقة تماما فى اى حد
فقدت الامل فى الدنيا
كسر قلبى
بسببه اكتشفت بعد الموقف ما خلص انى خالفت مبدأى فى الوقت اللى انا كنت فاكرة انى بنفذ مبدأى
بسببه حسة انى خنت الراجل اللى هيجيلى بعد كدة
انا بسببه ضميرى بيأنبنى
كان نفسى القصة الوحيدة اللى اترجمها تكون نهايتها الزواج
غلطتى انى عايزة اكون محترمة
غلطتى انى عايزة القصة اللى اعيشها تبقى قصة محترمة راقية
الظاهر انى بدور على حاجة من دنيا الخيال
انا حسة انى وحيدة
حسة انى مش هلاقى الحد المحترم اللى بدور عليه
لما بسمع الاغانى بقول ياااااه هو انا مستحقش حد يحبنى كدة
مرة سمعت اغنية .... لام كلثوم غصب عنى عيط
انتو بجد فهمتونى
وصل لكم احساسى
انا دلوقتى محتارة مش عارفة اقول للى هيختارنى عشان ابقى شريكة حياته ايه لما
يسألنى حبيتى قبلى ولا لا
خيفة اكدب و اغضب ربنا
و خيفة اقوله حكايتى دى و اكون عبد غبى فضح نفسه بعد ما ربنا ستره و وقف جنبه
و رجع له حقه من الشخصين دول الاحقر من بعض
انا بجد عايزة امشى من الدنيا
مش حباها
هو انا كنت استاهل كدة
ايه هى غلطتى اللى خلتنى اتجرح كدة
نفسى الاقى حد يطمنى
حد محترم يقولى ان الدنيا بخير
بس الظاهر انه عمره ما هيحصل لانى هفضل على مبدأى و مش هغيره
الا لما الاقى الحب المحترم الراقى اللى ميغضبش ربنا و يكونوا اهلى عرفينه
الحب اللى ميحسسنيش انى بعمل حاجة غلط
الحب اللى يعنا على رضا ربنا مش نغضبه
انا عارفة طبعا ان الشروط دى مستحيل الاقيها
عشان كدة انا مش حابة الدنيا ده لان عمرى ما هلاقى فيها اللى يطمنى
هى دى حكايتى و انا محتاجة اجابة على سوالى
اعمل ايه و اتخلص من احساسى بالذنب ازاى ؟؟؟؟
انا بكره الكدب جدااااا و مش عايزة اكدب
ممكن تدلونى
و اسفة لو كنت طولت عليكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Dody
.
.
avatar

. :

انثى
رقم العضوية : 211
الإنتساب : 15/07/2009
المشاركات : 1157
التقييم : 4

مُساهمةموضوع: رد: اتكلــم براحــتـــــك !!   الجمعة 4 سبتمبر - 6:33

اولا احب اوى اشكر المدير لان فعلا الموضوع ده مهم جدا وحلو اوى
وانا كانت فى دماغى الفكره وكنت هنفذها بس انت بقى سبقتنى... شكراا عالموضوع بجد.


اسمحيلى اقول وجهة نظرى عالموضوك..
طبعا لازم تصارحى اللى هيتقدملك ويبقى زوج المستقبل بكل حاجه ،لان ماينفعش تبنى حياتك وتبدأيها
بكذبه حتى لو كانت صغيره علشان باقى حياتك ما تبقاش غلط.
طبعا اكيد انتى عارفه انك غلطتى لما قابلتيه ،بس ربنا كبير وان شاء الله هيسامحك والشخص التانى يمكن كمان يسامحك لو عرفتيه الحقيقه من الاول وانك معترفه بغلطك وان الحمد لله الموضوع انتهى.
ولازم تعيشى حياتك وتكمليها صح ، يعنى حياتك كلها تبقى لربنا وحب النبى عليه افضل الصلاة والسلام ولمذاكرتك وعملك واهلك وخليكى واثقه ومتاكده ان ربنا شايلك كل خير وفكرى ان كل اللى انتى مريتى بيه اختبارات من ربنا ولو انتى حاسه انك مش نجحتى فيها فحاولى تانى لان ربنا كبير وجميل اوى اوى ، وانتى دلوقتى قدامك فرصه تانيه تثبتى فيها لربنا انك ندمانه وانك هتفضلى ثابته على كل حاجه كويسه ترضيه وطبعا ان تجتهدى فى دراستك وانتى واثقه 100% ان ربنا بيحبك وشايلك خيير كبيييييير وسعاده واخيرا (استعينوا بالصبر والصلاة) وهتلاقى ربنا معاكى عالطول وحياتك كلها تبقى خير وسعاده ويجيلك البنى ادم اللى يستاهل انسانه جميله اوى زيك وتعرفى مدى رحمة ربنا عليكى
وقولى الحمد لله انك فوقتى او بتحاولى تفوقى
.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.3eshhasa7.ibda3.org
عمر الشاعر
مشرف القسم الثقافى
مشرف القسم الثقافى
avatar

. :

ذكر
رقم العضوية : 3
الإنتساب : 03/02/2009
المشاركات : 896
التقييم : 1

مُساهمةموضوع: رد: اتكلــم براحــتـــــك !!   الجمعة 4 سبتمبر - 8:25

اولا ممكن بس اختبر ذكائي واقولك انك في كليه علوم

وثانيا نتكلم في الموضوع نفسه بصي انا مش هقولك متزعليش لانك مش مجرد ما اقولك كده هتسمعي كلامي بل بالعكس لو تقدري تعيطي عيطي عشان الدموع بتريح بس انا هفولك كلمه واحده انك بعد فتره قريبه هتفتكري الموقف ده وتضحكي جامد اوي وان شاء الله هتلاقي اللي احسن منه









[center]

ليتنا مثل الأسامي ....لا يغيرنا الزمان !!

[/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
saso&yoka
مشرفــــة القسم الثقافى
مشرفــــة القسم الثقافى
avatar

. :

انثى
رقم العضوية : 208
الإنتساب : 07/07/2009
المشاركات : 1433
التقييم : 8

مُساهمةموضوع: رد: اتكلــم براحــتـــــك !!   الجمعة 4 سبتمبر - 8:29

اسمحولى اقول رأئى

هو من الواضح من قصتها انها على طول كانت حريصة انها متغضبش ربنا

و الدليل ان الاختيارين اللى البنت حتتهم بيدلوا فعلا على انها حريصة على انها

متغضبش ربنا

واحدة غيرها مكنتش حست بالذنب و لا الموضوع فرق معاها اصلا

احب اوضح رأئى فى جملتك دى يا دودى



اقتباس :
تثبتى فيها لربنا انك ندمانه

هو بالفعل ربنا رضى عنها بدليل ان هى اول ما اتكلمت مع ربنا

و طلبت منه الحل ربنا على طول هداها

و الدليل الموضوع ده اللى جه فى وقته عشان ترتاح

SASO















الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://3eshhasa7.ibda3.org
Bethoven EGY
مشرف القسم الرياضى
مشرف القسم الرياضى
avatar

. :

ذكر
رقم العضوية : 2
الإنتساب : 03/02/2009
المشاركات : 3962
التقييم : 23

مُساهمةموضوع: رد: اتكلــم براحــتـــــك !!   الجمعة 4 سبتمبر - 9:57

اولا الف مبروووك النجاح
ثانيا انا انصحك اولا انك تنسى كل اللى فات وتخليه مجرد ذكرى مش اكتر
ليه لان الموضوع ده موجود كتير الايام دى وبؤلهالك عن تجربه
المهم تنسى كل اللى فات ده وتبدأى من جديد انت انسانه يعنى مش معصومه من الغلط
وعلى فكره انت اللى كسبانه هو خسر انسانه كانت محترمه معاه ومخلصه ليه
انت عايشه عشان تتعلمى مش عشان تعيطى وتأنبى فى نفسك
انت اما هتفتكرى البنى ادم ده والموقف ده هتعدى تضحكى على نفسك



اما النصيحه التانيه
انك لازم لازم لازم تصارحى شريك حياتك ها شريك حياتك
انك حبيتى قبل كده ومتتكلميش فى الموضوع كتير المفيد وتقفلى الموضوع
وتقولى انا اكتشفت ان كل ده كان مش حب دى كان مجرد واحد وعدى ىعليكى وانتهى الموضوع
وكل اما تكونى صريحه معاه هو هيتقبل منك الموضوع وهيعجب بيكى اكتر لانك صريحه معاه
عشان لو اكتشف انك بتكدبى عليه صدقينى مش هاينوبك غير كل سوء وممكن تخليه يلعب بيكى هو كمان


الكدب ملوش رجلين يعنى مهما خبيتى عليه هيعرف فى يوم من الايام

وفى النهايه اتمنالك السعاده من كل قلبى
وانا فى الخدمه فى اى وقت

عمرو بهجت






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://3eshhasa7.ibda3.org
™!KeMoOo!™
لا إله إلا الله

لا إله إلا الله
avatar

. :

ذكر
رقم العضوية : 1
الإنتساب : 02/02/2009
المشاركات : 4763
التقييم : 17

مُساهمةموضوع: رد: اتكلــم براحــتـــــك !!   الجمعة 4 سبتمبر - 17:14

طبعا وقبل كل شئ احب اشكر كل اللى شرفونى بردهم على الموضوع وتفاعلهم معاه

واحب اشكر صاحبة المشكلة على صراحتها اللامتناهية

واللى بتدل على مدى احترامها ورغبتها فى التخلص من ازمتها دى


نيجى بقى لمشكلتنا النهاردة

وانا بحب اتكلم بصراحة فياريت محدش يزعل

انتى لما حبيتيه فى الابتدائى والاعدادى كان حب طفولى وربنا برحمته وكرمه

لما طلبتى منه انه يخلصك من الحب الصامت ده لو مش كان فيه خير ليكى

خلصك منه على خير وكأنها سحابه بدون اذى او مطر زى ما حكيتى

ولما دخلتى الجامعة اللى انتى بتحبيها

حبه صحى تانى فجأة فى قلبك

بعد ما ربنا نجاكى منه وريحك

بس انتى رفضتى راحة ربنا وقبلتى بتعب حبك ليه

متقوليش ان ربنا بدل ما يكافئك على صبرك وبعدك عنه

صحى حبه تانى جواكى وبعد كدة قلبك اتكسر

لالالالالالالالالا

انتى لازم تشكرى ربنا مرتين

اولا لانه خلصك من حبه الصامت زماااااان

وثانيا انه طلع انسان قليل الذوق وربنا كشف لك ده

بدل ما كنتى تعيشى الوهم اكتر من كدة

بجد ربنا كبيييييييير اوووووى

لازم تشكريه وتستغفريه

لانك افتكرتى ان نعمه عليكى هى ابتلاء منه او عقاب

وانتى لو عاوزة تتخلصى بجد من اللى انتى فيه ده

فلازم تقطعى علاقتك بصاحبتك مى دى

انتى بنت محترمة ومتربية وهى بتكلم ولاد حتى فى الشهر الفضيل

يعنى شتان بينك وبينها

ده اولا

ثانيا بالنسبة لسؤالك فانتى لازم تصارحي اللى هيكون من نصيبك بعد كدة

بكل حاجة وفى ايام الخطوبة يعنى قبل الجواز

ولو عرفتى تصارحيه قبل الخطوبة كمان يكون احسن

لانك لو كدبتى عليه هو كمان هيكدب عليكى

وهتبقى حياتكم كدب فى كدب

واما بقى بالنسبة لاحساسك بانك مش هتلاقى الحب المحترم

فاحب اقوللك ان مفيش حاجة اسمها علاقة محترمة بين بنت وولد

فيه حاجة اسمها خطوبة

فيه حاجة اسمها جواز

بس مفيش حاجة اسمها علاقة محترمة

للاسف

فانتى اصبرى دلوقتى وركزى فى كليتك ودراستك

وربنا هيعوضك عن كل الحب اللى انتى كنتى عاوزة تعيشيه فى الطفولة والمراهقة

بحب اكبر واعظم وهو حب الزوج لزوجته

ياريت تشيلى الموضوع ده من دماغك واقطعى صفحته من كراسة حياتك

عشان تقدرى تعيشى وتكملى حياتك

وصدقينى كل ما تقربى من ربنا اكتر كل ما هتحسى براحة لا حدود لها

ويا ستى لو عاوزة تحسى بالحب دلوقتى ومستعجلة عليه ونفسك تعيشيه

حبى ربنا

ايوة بجد

حبى ربنا

هتقوليلى انا عاوزة احب واتحب

هسألك سؤال بسيط جدااا

وهل لما تحبى ربنا هو مش هيحبك

وفى النهاية اسف للاطالة

واحب اهديكى الفيديو اللى فى توقيعى

هيريحك كتيييييييييييييير


رجـــــــــــــــــــــــــاء حــــــــــــار من أخ أكبر

ياريت يا جماعة لو حد خمن الشخصية ميصرحش بتخمينه ده على الملأ

لانه بكدة هيلغى مبدأنا فى الموضوع ككل









[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://3eshhasa7.ibda3.org
ocean Heart
مشرف ســابق
avatar

. :

انثى
رقم العضوية : 202
الإنتساب : 27/06/2009
المشاركات : 135
التقييم : 6

مُساهمةموضوع: رد: اتكلــم براحــتـــــك !!   الجمعة 4 سبتمبر - 20:02

السلام عليكم جميعا

مع احترامى لاراء الجميع

فنصيحتى لكى اياكى ثم اياكى ثم اياكى ان يعرف شريك حياتك ان كان فيه حب فى قلبك قبله

صدقينى ده ما كنش حب ده مجرد خيالات عشتى بها فى عالمك الداخلى الذى تملكيه وحدك

يعنى حبتيه فى احلام اليقظه ملأتى به فراغ وقتك

اللى ربنا حيرزقك بيه ويكون زوجك ان شاء الله له عندك ات لا يطرق على فكرك اى رجل فى الدنيا وهو زوجك

انت لم تقترفى ذنب حبيبتى رفقا بنفسك انها تجربه خياليه راحت لحالها فى سن المراهقه

ولعلمك انتى ما حبتهوش دى مجرد تداعيات نفسيه لما كان فى الطفوله صدقينى

الحب بيكون بين قلبين ربنا بيقذف فى قلوبهم الحب وده ان شاء الله حتلاقيه مع شريك حياتك

الحب بيتولد مع حسن المعامله وحسن العشره والود والاحترام هو ده الحب

انسى الموضوع وركزى فى دراستك وادعى المولى ان يرزقك بذى الاخلاق الحميده والدين

ومش حتكدبى وقت ساعتها لما تقولى له انه اول حب فى حياتك لانه والله والله والله حيكون بجد اول حب بجد يلامس قلبك

اتفقنا

ولا ايه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://oceanheart.yoo7.com/forum.htm
ابن غزة
مشرف ســابق
avatar

. :

ذكر
رقم العضوية : 12
الإنتساب : 03/02/2009
المشاركات : 351
التقييم : 1

مُساهمةموضوع: رد: اتكلــم براحــتـــــك !!   الجمعة 4 سبتمبر - 20:05

انا شايف انها لازم تصارحه

لانها بتقول ان حبها ليه كان بعيد تماما عن حب المراهقة

وده مجرد رأى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اتكلم
.
.
avatar

. :

ذكر
رقم العضوية : 320
الإنتساب : 03/09/2009
المشاركات : 9
التقييم : 6

مُساهمةموضوع: رد: اتكلــم براحــتـــــك !!   الجمعة 4 سبتمبر - 22:38

اولا بشكركم على ردكم على مشكلتى
ثانيا
اقتباس :
انصحك اولا انك تنسى كل اللى فات وتخليه مجرد ذكرى مش اكتر

شكراا على النصيحة انا فعلا نسيت الموضوع بس كانت مشكلتى فى
احساسى بالذنب تجاه شريك حياتى اللى هيجى

اقتباس :
لانك افتكرتى ان نعمه عليكى هى ابتلاء منه او عقاب
انا فعلا مقتنعة ان ربنا انعم عليا لما الموضوع انتهى قبل ما يبتدى
تقريبا انا حسة ان ربنا حفظنى و مش عايزنى اغلط او اغير مبدأى
بدليل انى لما جيت اغلط ربنا محبش انى اغلط
لان ربنا عارف انى ساعتها كنت فاهمة انى بنفذ مبدأى و بعد الموضوع
ما خلص كانت الصدمة انى اكتشفت انى غيرت مبدأى

اقتباس :
فلازم تقطعى علاقتك بصاحبتك مى دى
احب اوضحلك انى فعلا قطعت معاها و فعلا اتصلت بيا فى الاجازة
مرتين و انا مردتش عليها لانى مش طيقاها بجد

اقتباس :
ياريت تشيلى الموضوع ده من دماغك واقطعى صفحته من كراسة حياتك

عشان تقدرى تعيشى وتكملى حياتك

انا فعلا شيلة الموضوع من دماغى تماما
و كمان شيلة موضوع الحب نهائى من دماغى
بس المشكلة دلوقتى احساسى بالذنب و اللى مخلينى مش عارفة اعيش

اقتباس :
ويا ستى لو عاوزة تحسى بالحب دلوقتى ومستعجلة عليه

انا مش عايزة احب و مش مستعجلة على علاقة انا شيفاها غلط

اقتباس :
وهل لما تحبى ربنا هو مش هيحبك
انا فعلا حسة ان ربنا بيحبنى بدليل انه ان انا لما جيت اغلط ربنا محبش انى اغلط
و الدليل التانى لما قيمت الليل و اتكلمت مع ربنا عشان يريحنى ربنا الهمنى انى اكلم الاستاذ عمرو خالد او مصطفى حسنى
عشان اخد رأيهم و ينصحونى
بس الظاهر ان ربنا مستعجل انه يريحنى لان لو كان فى شك 1 % انى معرفش ادخل و اكلمهم
لانى فعلا دخلت على موقع عمرو خالد لقيت انى لازم اسجل فى الموقع فأجلت الموضوع شوية
بس الظاهر بقى زى ما قلت ان ربنا مستعجل انه يريحنى و الموضوع ده اتعمل
اللى انا حسة ان ربنا خلاك تعمله مخصوص عشان انا ارتاح

اقتباس :
صدقينى ده ما كنش حب ده مجرد خيالات عشتى بها فى عالمك الداخلى الذى تملكيه وحدك

يعنى حبتيه فى احلام اليقظه ملأتى به فراغ وقتك
احب اشكرك على انك فهمتى انها فعلا كانت فى خيالى بس
بصراحة انا كنت متوقعة منك رد قاسى جداااا
بس خيبتى ظنى بانك فهمتى مشاعرى

اقتباس :

لانها بتقول ان حبها ليه كان بعيد تماما عن حب المراهقة
انا فعلا قولت كدة لانى كنت حاسة كدة كنت حسة ان المشاعر اللى جوايا مش تافهة زى حب المراهقة
حسيت انها مشاعر سامية
ملهاش علاقة بمشاعر تافهة
ملهاش علاقة بان مجرد بنت عايزة تعرف ولد
لا انا كان نفسى اكون حياة سعيدة محترمة
عشان كدة قلت انها بعيدة عن مشاعر المراهقة
لانها مشاعر تافهة بيبقى فيها هم البنت انها تعرف ولد
و انا مش من النوع ده
و بيبقى فيها الولد بردو همه انه يعرف بنت
و انا بكره النوع ده
و ببحبش اكون واحدة تافهة
و الله و الله و الله العظيم انا مكنتش فاهمة ساعتها انى بغلط
و والله انا مكنش قصدى انى اغلطت
انا الموضوع مش فى دماغى ولا موضوع الحب كمان فى دماغى
بس انا و الله اللى تاعبنى دلوقتى هو انى حسة انى خنت الراجل اللى هيجيلى بعد كدة
و انا مكنتش اقصد و كنت حريصة جدااا انى مخونوش
و انا عارفة ان الطيبون للطيبات و كما تدين تدان
انا خيفة ان يكون ربنا شيلى حلمى عنده بس لما غلطت الغلطة دى من غير ما اقصد ابقى ساعتها
مستحقش الحاجة الكويسة اللى ربنا شايلها
و ساعتها هيكون عذابى اكتر بكتيييير
و والله العظيم انا مكنتش عايزو اغلط بس اكتشفت بعد كدة انى غلطت
و احساسى ىبالذنب هو اللى تاعبنى

بجد بشكركم على ردكم على مشكلتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اتكلم
.
.
avatar

. :

ذكر
رقم العضوية : 320
الإنتساب : 03/09/2009
المشاركات : 9
التقييم : 6

مُساهمةموضوع: رد: اتكلــم براحــتـــــك !!   السبت 5 سبتمبر - 7:30

انا بقى يا جماعه تعباااااااااانه اوى اوى من من جوايا ،مش لاقيه اى حد جنبى واصحابى مختلفه معاهم فى حاجات كتيييير اوى ، واخواتى مشغولين ووالدى ووالدتى كمان مشغولين اووووى ،مش لاقيه حد يحس بيا او يسمعنى وانا محتاجه فى الفتره دى بالتحديد انى الاقى حد معايا اتكلم معاه وللاسف الكلام ده ما اقدرش اقوله لاى حد خالص .
انا عارفه ومتاكده ان الحمد لله ربنا معايا احسن من اى حد حتى من اسرتى بس اصلا انا بطبعى كتومه وحساسه شويه علشان كده كلامى كله مع ربنا وبس ولولا كده انا بجد كان زمان جرالى حاجه من اللى انا فيه . حتى لما بدات اشترك فى فى المنتديات كان نفسى الاقى حد اتكلم معاه ويكون كويس بس برده للاسف حاولت اندمج معاهم بس مش لاقيه ترحيب او مش مرغوب فيا مش عارفه .
ولفتره قصيره جدا اتعرفت على حد كويس وكنت بدات اخرج من اللى انا فيه بس للاسف افتراقنا
انا بجد تعباااااااانه اوى وبدات كمان احس بالفشل مع انى عندى اراده قويه انى مش اوصله بسرعه بس فعلا صعب اوى لما تعيش لوحدك اوى وانت شايف الناس حواليك وهلك واصحابك بس حاسس انك غريب عنهم او انك مش مرغوب فيك.
بجد انا بتعذب جامد اوى والحاجه الوحيده اللى بجد انا مستحمله علشانه هو ربنا لانى عندى ثقه جامده اوى فيه وعارفه انه معايا بس لما مش بلاقى حد معايا ببقى خايفه انه يكون ربنا مش راضى عنى
انا بس بتمنى انكم تدعولى ان ربنا يصبرنى ويخرجنى من اللى انا فيه
واسفه ان كنت طولت عليكم او وجعتلكم دماغكم.......... سامحونى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ocean Heart
مشرف ســابق
avatar

. :

انثى
رقم العضوية : 202
الإنتساب : 27/06/2009
المشاركات : 135
التقييم : 6

مُساهمةموضوع: رد: اتكلــم براحــتـــــك !!   السبت 5 سبتمبر - 8:20

حبيبة قلبى هونى على نفسك الوحده صعبه فعلا بس احنا نقدر نتغلب عليها لو اتناقشنا شويه

الوالدين مشغولين والاخوات مشغولين معلش انتى دورك فين هما مش حاسين بيكى حسسيهم انتى انك محتجاهم مش تكتمى مشاعرك

اتكلمى يا حبيبتى معاهم بصراحه ووضوح انك فى فراغ وانك محتجاهم يقربوا منك هما فى غفله

وده والله حقك عليهم احنا بنجيب عيال علشان نراعيهم مش علشان نهملهم

حركيهم مره اتنين وعشره وبالذات والوالدين وامك اللى المفروض صديقتك المقربه

دى نقطه وبعدين هواياتك فين حبيبتى دورى انتى مبدعه فى ايه ونميه استمتعى بوقتك فى شىء مفيد وانتى بتحبيه

انتى لم تذكرى لنا مرحلتك الدراسيه

ارجوكى ناقشينى فيما قلته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://oceanheart.yoo7.com/forum.htm
ocean Heart
مشرف ســابق
avatar

. :

انثى
رقم العضوية : 202
الإنتساب : 27/06/2009
المشاركات : 135
التقييم : 6

مُساهمةموضوع: رد: اتكلــم براحــتـــــك !!   السبت 5 سبتمبر - 8:28

صدقينى ده ما كنش حب ده مجرد خيالات عشتى بها فى عالمك الداخلى الذى تملكيه وحدك

يعنى حبتيه فى احلام اليقظه ملأتى به فراغ وقتك

احب اشكرك على انك فهمتى انها فعلا كانت فى خيالى بس
بصراحة انا كنت متوقعة منك رد قاسى جداااا
بس خيبتى ظنى بانك فهمتى مشاعرى


************************************

طب ليه انا بالذات متوقعه منى رد قاسى علشان مشرفة القسم الاسلامى يعنى

والله يا حبيبة قلبى لو عايزه تشوفى ارقى انواع الحب لوجتيه فى بيت النبوه

ديننا جميل وكله سماحه

شوفى بقا يا قمر أعملى للموضوع ده دليت والله شويه وحتضحكى عليه

ولكن علشان أخلص ضميرى من ربنا للمره المليون اوعى تصرحى لزوج المستقبل بهذا الموضوع

انسيه يا بنتى انتى ما غلطيش الحب مش جريمه وخاصه انه كان حب فى خيالك بس

انتى غاويه تعذبى نفسك

طب بصى اللى بيسرق ويستغفر ربنا بيغفرله انتى بقا لو مصممه انك غلطى مع انك ما غلطيش

استغفرى ربنا وانسى الموضوع خااااااااااااااااااااالص

وبعدين انتى لسه صغيوره كبرى دماغك وانتبهى لكليتك الدراسه على الابواب

عايزاكى تقوليلى انك السنه دى طلعتى بتقدير وحعتبره وعد منك وكل اعضاء المنتدى حيحتفلوا معانا

بس الحلو عليكى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://oceanheart.yoo7.com/forum.htm
™!KeMoOo!™
لا إله إلا الله

لا إله إلا الله
avatar

. :

ذكر
رقم العضوية : 1
الإنتساب : 02/02/2009
المشاركات : 4763
التقييم : 17

مُساهمةموضوع: رد: اتكلــم براحــتـــــك !!   السبت 5 سبتمبر - 19:06

اقتباس :
انا بقى يا جماعه تعباااااااااانه اوى اوى من من
جوايا ،مش لاقيه اى حد جنبى واصحابى مختلفه معاهم فى حاجات كتيييير اوى ،
واخواتى مشغولين ووالدى ووالدتى كمان مشغولين اووووى ،مش لاقيه حد يحس بيا
او يسمعنى وانا محتاجه فى الفتره دى بالتحديد انى الاقى حد معايا اتكلم
معاه وللاسف الكلام ده ما اقدرش اقوله لاى حد خالص .
انا عارفه ومتاكده
ان الحمد لله ربنا معايا احسن من اى حد حتى من اسرتى بس اصلا انا بطبعى
كتومه وحساسه شويه علشان كده كلامى كله مع ربنا وبس ولولا كده انا بجد كان
زمان جرالى حاجه من اللى انا فيه . حتى لما بدات اشترك فى فى المنتديات
كان نفسى الاقى حد اتكلم معاه ويكون كويس بس برده للاسف حاولت اندمج معاهم
بس مش لاقيه ترحيب او مش مرغوب فيا مش عارفه .
ولفتره قصيره جدا اتعرفت على حد كويس وكنت بدات اخرج من اللى انا فيه بس للاسف افتراقنا
انا
بجد تعباااااااانه اوى وبدات كمان احس بالفشل مع انى عندى اراده قويه انى
مش اوصله بسرعه بس فعلا صعب اوى لما تعيش لوحدك اوى وانت شايف الناس
حواليك وهلك واصحابك بس حاسس انك غريب عنهم او انك مش مرغوب فيك.
بجد
انا بتعذب جامد اوى والحاجه الوحيده اللى بجد انا مستحمله علشانه هو ربنا
لانى عندى ثقه جامده اوى فيه وعارفه انه معايا بس لما مش بلاقى حد معايا
ببقى خايفه انه يكون ربنا مش راضى عنى
انا بس بتمنى انكم تدعولى ان ربنا يصبرنى ويخرجنى من اللى انا فيه
واسفه ان كنت طولت عليكم او وجعتلكم دماغكم.......... سامحونى
اولا مفيش وجع دماغ ولا حاجة

انا شايف انك لازم تحاولى تقربى من والدتك اكتر من كدة

وحاولى تدورى على اصحاب ليكى اكيد هتلاقى ناس متفقين معاكى فى الرأى ووجهات النظر

لو مش لاقيه حاولى تدورى هنا على المنتدى والحمد لله كل البنات المتواجدين معانا هنا فى المنتدى فى غاية الاحترام والادب

واكيد هتلاقى فيهم اللى تفهمك وتكون متفقة معاكى

ومش شرط ان اللى تصاحبيها انها تكون متفقة معاكى 100 %

اكيد هيبقى فيه اختلاف فى بعض الحاجات وده شئ طبيعى

وحاولى انك تشغلى وقتك

حاولى انك تكونى اجتماعية على اد ما تقدرى

يعنى تزورى اهلك وقرايبك

توديهم دايما وتكونى معاهم على اتصال على طول

عشان متحسيش بالوحدة

واكيد هتلاقى فيهم اللى تفكيره قريب من تفكيرك

اتمنى لك السعادة فى حياتك

وان شاء الله ربنا يحقق لك كل اللى بتتمنيه







[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://3eshhasa7.ibda3.org
carolgerdak
.
.
avatar

. :

ذكر
رقم العضوية : 121
الإنتساب : 18/03/2009
المشاركات : 482
التقييم : 6

مُساهمةموضوع: رد: اتكلــم براحــتـــــك !!   السبت 5 سبتمبر - 22:43

ان شايف انك لازم تدورى على اصحاب ليكى

من جوة عيلتك

سواء عائلتك الكبيرة اهلك واقاربك

او عائلتك الصغيرة اللى هى اسرتك

اما انك تدخلى منتديات علشان تدروى فيها عن اصحاب ليكى

فده هيعرضك لمشاكل كتير


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اتكلم
.
.
avatar

. :

ذكر
رقم العضوية : 320
الإنتساب : 03/09/2009
المشاركات : 9
التقييم : 6

مُساهمةموضوع: رد: اتكلــم براحــتـــــك !!   الأحد 6 سبتمبر - 23:06

اقتباس :
طب ليه انا بالذات متوقعه منى رد قاسى علشان مشرفة القسم الاسلامى يعنى

والله يا حبيبة قلبى لو عايزه تشوفى ارقى انواع الحب لوجتيه فى بيت النبوه


ديننا جميل وكله سماحه

شوفى بقا يا قمر أعملى للموضوع ده دليت والله شويه وحتضحكى عليه

ولكن علشان أخلص ضميرى من ربنا للمره المليون اوعى تصرحى لزوج المستقبل بهذا الموضوع

انسيه يا بنتى انتى ما غلطيش الحب مش جريمه وخاصه انه كان حب فى خيالك بس

انتى غاويه تعذبى نفسك

طب بصى اللى بيسرق ويستغفر ربنا بيغفرله انتى بقا لو مصممه انك غلطى مع انك ما غلطيش

استغفرى ربنا وانسى الموضوع خااااااااااااااااااااالص

وبعدين انتى لسه صغيوره كبرى دماغك وانتبهى لكليتك الدراسه على الابواب

عايزاكى تقوليلى انك السنه دى طلعتى بتقدير وحعتبره وعد منك وكل اعضاء المنتدى حيحتفلوا معانا

بس الحلو عليكى

بصراحة انا كنت متوقعة منك رد قاسى عشان انت فعلا مشرفة القسم الاسلامى
بجد انا مش عارفة اشكرك ازاى ردك ريحنى جدااا الله يباركلك
بس تقريبا انا هصرح لشريك حياتى اللى هيجى بالموقف ده
و هو اكيد هيقدر انى اتعذبت العذاب ده كله عشان مقللش من حقوقه على
و تقديرا و احتراما لوجهة نظره لما قرر انى اكون شريكة حياته

اقتباس :
عايزاكى تقوليلى انك السنه دى طلعتى بتقدير وحعتبره وعد منك

اعتبريه فعلا وعد منى
بس ياريت تدعيلى سنة تانية فى كليتى بيتوقف عليها مستقبلى كله
عشان التخصص فى تالتة بيبقى على حسب تقدير تانية
ادعيلى

اقتباس :
بس الحلو عليكى


بس كدة ده الحلو و الساقع و كل اللى يأمر بيه اعضاء المنتدى
ده كفاية انهم وقفوا جنبى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
saso&yoka
مشرفــــة القسم الثقافى
مشرفــــة القسم الثقافى
avatar

. :

انثى
رقم العضوية : 208
الإنتساب : 07/07/2009
المشاركات : 1433
التقييم : 8

مُساهمةموضوع: رد: اتكلــم براحــتـــــك !!   الأحد 6 سبتمبر - 23:31

مبدئيا و قبل اى كلام ممكن اقولهولك
عايزة ادعيلك ان ربنا يخفف احساسك بالوحدة
لان للاسف الاحساس ده بيبقى نابع من جوانا بدليل اننا ممكن نكون وسط الناس
بس حاسين بالوحدة
ربنا يخفف عنك الاحساس ده

بالنسبة لمشكلة اهلك اللى مش حاسين بيكى انا عندى فكرة ممكن تعمليها لعلها تجيب نتيجة
شوفى بباكى و مامتك بيتبعوا برنامج ايه مع بعض سواؤ كان برنامج دينى او اجتماعى
او مش شرط يكونوا بيتابعوه سوا مكن اى واحد منهم يكون مواظب على برنامج منهم
المهم تحاولى تجيبى موقع المذيع او رقم تليفون البرنامج
و تكلمى المذيع و تحكيله مشكلتك
و هو عليه انه يعرض مشكلتك فى البرنامج بس طبعا من غير ما يقول اسمك
مجرد مشكلة فتاة و بيعرضها و يقول ان ده نداء لكل اب و ام مش مهتمين باولادهم و خصوصا البنات
بس طبعا يكون اهلك او على الاقل واحد منهم بيتفرج على البرنامج
لو الموضوع ده منفعش شوفى اقرب حد ليكى من اهلك و كلميه
و خليه ينيه اهلك انهم لازم يهتموا بيكى و برضو من غير ما يقولهم ان ليكى دخل بالموضوع

بالنسبة للاصدقاء انت بتقولى انك مختلفة معاهم
مبدئيا لازم تعرفى ان مش لازم يكون الاتفاق 100 %
ثانيا انك مختلفة مع اصحابك و فى حاجات كتير
لازم نعرف الاول ايه معنى الاختلاف
هل مختلفة معاهم
يعنى مش عارفة تندمجى معاهم
او
اختلاف فى وجهات النظر
او
مختلفة معاهم يعنى فى مشاكل كتير بينكم
دلوقتى انا معرفش مين حضرتك بس انت عارفانى فلو شايفة انى هكون صديقة كويسة ليكى
يلريت تبعتيلى رسالة خاصة تعرفينى بنفسك و تبعتيلى اميلك و نكون اصدقاء
طبعا ده لو شايفة انى انفع اكون صديقة لحضرتك
و لو مش شايفة كدة عااااادى جدااا ولا يهمك
دى بتيقى وجهات نظر و يجب تحترم

بالنسبة لموضوع المنتديات انا مش معاكى فى انك تدورة على اصدقاء من المنديات
و لاسباب كتير
اولا مينفعش انك تتعمقى فى المنتديات
لان ببساطة فى منتديات كويسة و منتديات مش كويسة
بس للاسف الاغلب مش كويس و قليل اوووى لما هتلاقى منتديات محترمة
ثانيا انت متعرفيش اللى على المنتديات تقدرى تقوليلى
هتضمنى منين تربيتهم اسلوبهم فى الحياة طريقة تفكيرهم
شخصيتهم
لانك بتكلمى ناس من وراء ستارة محدش فيكم شايف التانى
و لو دخلتى على منتدى مش كويس و ده تقريبا بيمثل 95%
من المنتديات صدقينى اللى هتخسريه هيكون اكتر من اللى كسبتيه
و هترجعلك تانى الحالة اللى انت فيها
و هيرجعلك تانى احساسك بالوحدة و ده نتيجة انك اخترتى اسلوب غلط فى التخلص من وحدتك
فى الاخر بجد انا بتمنالك انك تلاقى الطريق الصح و الاصدقاء الصح اللى يخلصوكى من وحدتك

SASO














الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://3eshhasa7.ibda3.org
عمر الشاعر
مشرف القسم الثقافى
مشرف القسم الثقافى
avatar

. :

ذكر
رقم العضوية : 3
الإنتساب : 03/02/2009
المشاركات : 896
التقييم : 1

مُساهمةموضوع: رد: اتكلــم براحــتـــــك !!   الأحد 13 سبتمبر - 17:10

دعيني انفرد بسماء الوحده..
و اتمتع بجراحي واحزاني

ولتكن دموعي هي شرابي..
وليكن سوادالليل هو لوني ..

بالرغم من صعوبه الوحده الا انك ممكن تلاقي صديق مش لازم يبقي انسان ممكن يبقي كتاب او لعبه الخ









[center]

ليتنا مثل الأسامي ....لا يغيرنا الزمان !!

[/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
انا العاشق
.
.
avatar

. :

ذكر
رقم العضوية : 204
الإنتساب : 30/06/2009
المشاركات : 67
التقييم : 7

مُساهمةموضوع: رد: اتكلــم براحــتـــــك !!   الأحد 13 سبتمبر - 19:31

اسمحيلى اقول رأى
انا اعتقد انك لو حاولتى تنقى اصحاب من حواليكى
اكيد هتلاقى واحده او اتنين يكونو حبين يقربو منك
صدقينى كل حاجه هتبان من مواقفهم معاكى وطريقه كلامهم
انما تقوليلى وحده فى الزمن ده
اعتقد انك انت اللى مكسلهعن انك تصاحبى اى حد
انت ممكن تلاقى اصحاب جوه عائلتك
مش شرط يكونو بره العائله
واتمنا ان كلامى يكون عجبك يجيب معاكى نتيجه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Bethoven EGY
مشرف القسم الرياضى
مشرف القسم الرياضى
avatar

. :

ذكر
رقم العضوية : 2
الإنتساب : 03/02/2009
المشاركات : 3962
التقييم : 23

مُساهمةموضوع: رد: اتكلــم براحــتـــــك !!   الأحد 13 سبتمبر - 19:38

انا رأى زى رأى العاشق بالظبط
دورى بين اهلك هتلاقى ناس تتمنى كلمه منك معاها
واتمنالك كل خير






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://3eshhasa7.ibda3.org
 
اتكلــم براحــتـــــك !!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
 :: القســـــــــــــم العـــــــــــــــــــام :: حوار فوق صفيح ساخن-
انتقل الى: