الرئيسيةمكتبة الصوربحـثالتسجيلالتسجيل دخول



احنا يا جماعه شغالين حاليا على صفحتنا على الفيس بوك ياريت تتابعوا أنشطتنا عليها من حملات نظافة
 وحملات توعية ومحاضرات و اعمال تطوعية تانية كتير

وسوف يتم عمل موقع خاص بفريق عيشها صح قريبا ان شاء الله

البيج الرسمية للفريق :
https://www.facebook.com/3sa7.official


البيج الرسمية لاحدث كورسات الفريق :

https://www.facebook.com/3sa7.Courses


فريق عيشـــها صـــح

Find Us oN

&&



اضغط هنا أخى الكريم وساهم معنا فى نشر منتديات عيشها صح على الفيس بوك
  
Free counter and web stats

شاطر | 
 

 حـوار مـع عـضـو ...

اذهب الى الأسفل 
كاتب الموضوعرسالة
الماجيك
مشرف القسم العام
مشرف القسم العام
avatar

. :

ذكر
رقم العضوية : 4
الإنتساب : 05/02/2009
المشاركات : 1508
التقييم : 2

مُساهمةموضوع: حـوار مـع عـضـو ...   الخميس 31 ديسمبر - 16:07

بسم الله الرحمن الرحيم


بما أننا نتعرض في حياتنا للأحداث سواءً في واقعنا
أو نقرأ عنها عبر الصحف
أو الكتب , أو عبر وسائل الأعلام المقروءة , أو المرئية , أو المسموعة.

فالعالم ملئ بالأحداث
ونحن هنا في عالم الرومانسية
نتحاور فيما بيننا
ونتبادل الآراء حول تلك الأحداث.

وحرصاً من الإدارة لما تكنه من تقدير للأعضاء.
فقد تم استحداث فكرة تهدف إلى احتكاك أقلام الأعضاء ببعض.
ليتوصل الجميع بعد ذلك للغاية المنشودة من هذه الفكرة.
وهي زرع التآخي بين الأعضاء الكرام
وخدمة للعلم والتعليم .

حوار مع عضو


هذه الفكرة تتمحور في استضافة أحد الأعضاء الكرام
ليذكر لنا في هذا المتصفح حدث أو موضوع مختصر
مكون من سؤال أو عدة أسئلة.
ويتم بعد ذلك التحاور حول الفكرة لفترة.
وبعد اكتمال الحوار مع العضو المستضاف يختار بنفسه محاور أخر.
سواءً مراقب أو مشرف أو عضو.
ليحل محله بفكرة أو حدث جديد يتم التحاور حوله
وهكذا.

الموضوع تم تسهيله بحيث أن العضو الذي تتم استضافته
لا يحتاج لفكرته أو لموضوعه
مقدمه أو شرح أو خاتمة.
فقط يضع من لب الفكرة أسئلته التي يرغب النقاش حولها
ويتم بعد ذلك النقاش حول الفكرة أو الأسئلة
بشرط أن لا يكن هنا إساءة لبلد أو مجتمع أو فرد .

فلنــــــــــــــبدأ مـــع المــــــــــاجـــــــيك ..


اولااا : ليا الشـرف ان اكـون صـــاحب الخـطوه الاولــــــــــى :




منذ فجر التاريخ ....... وأمال الأمم تتركز في شبابها فهم لبنات التطور
.......... وعليهم يبنى الأمل البعيد المدى ......... ومتى ما كانت
تهيئتهم بالشكل الأمثل ........ واستطعنا احتواء مشاكلهم وتفجر طاقاتهم في
هذه المرحلة الهامة ....... فإننا وبإذن الله في طريقنا نحو جيل مبدع نفخر
به ونثق في مستقبله الزاهر .........
بالتالي فالموضوع ذو أهمية بالغة ....... ونظرة مستقبلية ........
وبالتالي كان من البديهي أن تدور في الأذهان الأسئلة التالية التي من
خلالها سيتبين المسار وتتضح الصورة من خلال أرائكم وأطروحاتكم .......



س::
ماهو مفهوم مرحلة الشباب في نظرك ....... من متى تبدأ وإلى متى تمتد
....... وإلى أي حد ستتشكل قيم هذا الشاب ونظرته العامة وفلسفته في الحياة
خلال هذه المرحلة .......؟

س:: ماهي الصورة العامة للعلاقة بين الشاب ومجتمعه وما مدى تأثر الشاب
بماهية العلاقة ......... وما العوائق الأبرز في طريق الوصول إلى العلاقة
المنشودة .....؟

س:: ماذا نؤمل في شبابنا ....... وكيف نتوقعهم بعد جيل كامل ........
وماهي الإستراتيجيات التي تراها مثالية لنصل إلى هذه الغاية .......؟

س:: ما العلاقة بين مرحلة الشباب والإبداع ............ ومدى تأثرنا
بنمطية التفكير السلبي بأن الموهبة ملكة فطرية دون النظر إلى الجزء الخاص
بأنه لابد لكل موهبة من صقل وتنمية.......... وما هي الإستراتيجيات الأمثل
في طريق الإستفادة القصوى من هذه المواهب والطاقات الكامنة ......


انتظر منكم جميل الآراء ومبدع الطرح ولكم مني كل الحب والتقدير .......


عدل سابقا من قبل الماجيك في الأحد 3 يناير - 6:09 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://3eshhasa7.ibda3.org/
saso&yoka
مشرفــــة القسم الثقافى
مشرفــــة القسم الثقافى
avatar

. :

انثى
رقم العضوية : 208
الإنتساب : 07/07/2009
المشاركات : 1433
التقييم : 8

مُساهمةموضوع: رد: حـوار مـع عـضـو ...   الجمعة 1 يناير - 19:02

قبل اى كلام
بجد الموضوع ملوش حل
و الفكرة جامدة و مفيدة و حلوة اوووووووى
احييك عليها
نيجى بقى للموضوع مبدئيا انت اخترت موضوه مهم جدااا جدااا
لان الشباب اساس المجتمع و اهم امل ليه
لان مستقبل اى امة بيتحدد على اساس سلوك و ثقافة شبابها
فسر نجاح الامة يكمن فى شبابها

اقتباس :
ماهو مفهوم مرحلة الشباب في نظرك ....... من متى تبدأ وإلى متى تمتد
....... وإلى أي حد ستتشكل قيم هذا الشاب ونظرته العامة وفلسفته في الحياة
خلال هذه المرحلة .......؟

مرحلة الشباب : اهم مرحلة عمرية فى حياة الانسان
هى مرحلة تحول من اللامسؤلية الى المسؤلية
من الاستهلاك الى الانتاج
مرحلة فاصلة فى حياة كل شخص
مرحلة بناء العقل و بناء المستقبل و بالتالى بناء الامة و المجتمع
هى الاسااااااااااااااااس
بعض الناس او الاغلب شيفين انها مرحلة و هتعدى او انها مرحلة عدم النضوج الفكرى
بنسمعهم دايما يقولوا
شاب طايش بكرة يكبر و يعقل
بس فى وجهة نظرى انها مرحلة العقل و النضوج الفكرى
هما يمكن عندهم حق بس تقريبا اللى بيبقى طايش و مكبر دماغه ببيلقيش مستقبل كويس لما بيفوق
اما الشاب الناجح و العاقل فى الفترة دى اكيد اكيد بيبقى حاجة كويسة و كويسة اووووى كمان
عشان كدة مينفعش نقول دى مرحلة و هتعدى
لانها مرحلة الزرع و انت لو ادلعت فى موسم الزرع هتيجى فى موسم الحصاد متلقيش حااااجة خااااااالص
اما لو اتصرفت بعقل و حكمة هتحصد احسن الثمار
مرحلة الشباب مش مجرد خروج و فسح و لعب ... الخ الخ
اوكى هو ده احلى حاجة فيها و كمان هو ده اللى بيمزها
بس لازم بردو يكون العقل و الجد و التفكير فى المستقبل هو الاساس
و ادى كل حاجة حقها اخرج و العب براحتك و اتبسط و عيش سنك
بس بشرط ده ميأثرش على مستقبلك بعد كدة
لان لو حياتك كلها بقت لعب هتبقى حياة تافهة
و لو بقت كلها جد هتبقى حياة نكدية
ادى لكل حاجة وقتها
بس قسم حياتك لاساسيات
1 . مستقبلك
2 . اللعب و الخروج
اعط كل ذى حق حقه و خير الامور الوسط
بجد انا بفرح اووووى لما بلاقى شاب ناجح شاب عاقل
عارف ان المرحلة دى مرحلة انتقالية فى حياته
مرحلة تكوينه كعضو ناجح و فعال فى المجتمع و بيشتغل على كدة

الفترة :بتبدأ اول ما تحس ان ليك دور فى المجتمع
اول ما تحس بقيمتك فى بناء مستقبل بلدك
اول ما تعرف ان الحياة مش مجرد اكل و شرب و لعب لا الحياة اكبر من كدة بكتير
اول ما تحس انك ارقى و اكبر من انك تعيش لمجرد انك عايش و خلاص
اول ما تحس بالمسؤلية
لما تتخلى عن تفكيرك فى انهردة و تفكر فى بكرة و بعده
لما تفكر ازاى تبنى مستقبل ناجح
لما تبتدى تفكر ازاى مصر تبقى احسن بيك و باللى زيك
لما تحدد هدفك و تعرف انت عايش ليه
لما تحس انك صانع اساسى للمستقبل
لما تبدأ تحدد اتجاهاتك فى الحياة
اتجاهات اجتماعية و اتجاهات دينية و اتجاهات سياسية

الفترة العمرية : تقريبا من ثانوى لحد بعد التخرج و الشغل
من 17 الى 30

وإلى أي حد ستتشكل قيم هذا الشاب ونظرته العامة وفلسفته في الحياة
خلال هذه المرحلة .......؟

هى المرحلة الاهم فى بناء الشاب
بناءه اجتماعيا و دينيا و سياسيا و فكريا و اخلاقيا
بتبدأ تبقى ليه وجهة نظر خاصة فى الامور و الاحداث اللى بتحصل حوليه
بتتكون فيها مبادئه و قيمه و اخلاقه
اما يكون شاب ملتزم و محترم او يكون شاب تافه
اما يكون ليه هدف او من غير هدف
اما يكون صاحب تفكير مستقل او يكون عايش و خلاص
اما يكون صاحب رأى او بلا رأى
هى مرحلة التكوين الاساسية للانسان و للمجتمع

-------------------------------

اقتباس :
ماهي الصورة العامة للعلاقة بين الشاب ومجتمعه وما مدى تأثر الشاب
بماهية العلاقة ......... وما العوائق الأبرز في طريق الوصول إلى العلاقة
المنشودة .....؟

العلاقة علاقة تأثر
الشاب بيتأثر بمحتمعه بكل سلبياته و بكل ايجابياته
و هو اللى بيقرر سواء يكون عضو فى تقدم المجتمع او تخلفه
لو كان من انصار السلبيات و شايف ان الحاجات الصح و الايجابيات
عقد و رجعية و تخلف اكيد ده و اللى زيه هما الاساس فى تخلف المجتمع
و لو كان من انصار الايجابيات و بيحاول ينميها و بيحارب السلبيات
او على الاقل بيرفض انو يعيشها هما دول بيكونوا امل الامة
العلاقة متبادلة و فيها كل طرف بيأثر فى الطرف التانى بشكل اساسى وملحوظ
لك طرف هو المكون الاساسى للطرف التانى

العوائق : غياب الطموح
غياب الامل غياب الوعى انها مرحلة تكوين مستقبل و اساس بكرة
و اقتناع الشباب انها مرحلة الدلع و الانبساط و بس
تفكير الشاب فى حاجات فرعية تافهة
زى ازاى يصاحب بنات و ازاى يعمل علاقة مع اى بنت
زى انشغاله باللعب على الكمبيوتر ليل و نهار
و انشغاله بالمواقع اللى ملهاش لزمة فى حياته و يمكن يكون ليها اثر سئ عليه
بمعنى اصح استخدام التكنولوجيا بشكل خاطئ
تفكيره يكون لسه محدود و مش قادر يستوعب اهمية مرحلة الشباب
غياب وعيه السياسى و الدينى و الاجتماعى
قلة الثقافة فى جميع المجالات
التطرف سواء الدينى او السياسى او انحلال الدين
بمعنى اصح
دماغه لسة دماغ عيال

---------------------------

اقتباس :
ماذا نؤمل في شبابنا ....... وكيف نتوقعهم بعد جيل كامل ........
وماهي الإستراتيجيات التي تراها مثالية لنصل إلى هذه الغاية .......؟

انا عن نفسى بتمنى الاقى شاب ناجح
شاب بيعرف ازاى يفكر يعرف ازاى بكرة يكون احسن
كلنا بنقول ياريت نرجع زى زمان و بنسكت و محدش بيعمل حاجة
بس لو كل واحد بيقول كدة بدأ بنفسه و ابتدأ يحسن نفسه اكيد هنتغير
و هنبقى زى زمان و احسن
لان جنب الاخلاق هيبقى فى التكنولوجيا و الوعى الثقافى و السياسى و الدينى و التفتح العقلى
بتمنى الاقى شباب كتير مؤثرين ايجابين فى المجتمع
يتمنى الاقى شباب مش بيقلدوا الغرب
شباب بيفكروا ازاى مصر تبقى احسن
بدل ما يقولوا هى ليه كدة
بتمنى الاقيهم يبصوا جوة بلدهم و ينموها و يطوروها بدل ما يبسوا برة و يقلدوا الغرب
تعالوا نخليهم هما اللى يقلدونا و يتعملوا مننا الاخلاق و العلم و الدين
زى ما اتعلموا مننا زمان
نفسى الشباب يكون امة عظيمة دينيا و سياسيا و اخلاقيا و علميا و عمليا و اجتماعيا .... الخ الخ
بجد نفسى الاقى شباب بيحبوا البلد و بيخافوا عليها مش بالكلام

----------------------------

اقتباس :
ما العلاقة بين مرحلة الشباب والإبداع ............ ومدى تأثرنا
بنمطية التفكير السلبي بأن الموهبة ملكة فطرية دون النظر إلى الجزء الخاص
بأنه لابد لكل موهبة من صقل وتنمية.......... وما هي الإستراتيجيات الأمثل
في طريق الإستفادة القصوى من هذه المواهب والطاقات الكامنة ......

احلى و افيد ابداع بيكون فى مرحلة الشباب
بيكون فيها العقل فى احسن حالاته و الانتاج فى قمته
و مينفعش نعتمد ان الموهبة فطرية و خلاص على كدة
بالطريقة دى و بالتدريج مش هنلاقى عندنا مواهب الموهبة لازم يكون ليها تنمية و ثقافة
لان الموهبة اساس الابداع و اساس كل حاجة جديدة و مفيدة
الاستراجيات : لازم كل فرد يعرف هو متفوق فى ايه
و يحاول ينميه
و لو مفيش موهبة كل شخص يعرف هو بيحب يدرس ايه - فى مجال الدراسة - و يدرسه
و يثقف نفسه فيه و يحاول يطلع فيه كل مجهوده و ساعتها اكيد هيبدع فيه
اهم حاجة كل فرد يعرف هو بيحب ايه و يحدد اتجاهاته و يعرف ازاى يقدر يفيد المجتمع بموهبته

اسمحولى اقول من وجهة نظرى صفات الشاب الناجح و الفعال
1. متدين
2. مثقف
3. اجتماعى
4. مرح
5. متفوق فى شغله و صاحب مكانة مرموقة فى شركته
6. عارف واجباته قبل حقوقه
7. مش بيفكر فى انهردة بيفكر ازاى بكرة يبقى احسن
8. ذكى او حتى دماغه شغالة
زى مثلا : معز مسعود
لو عندنا شباب كتير زيه اكيد اكيد هنبقى احسن بكتير
بفرح انا اوووى لما الاقى شاب قدر يحقق معظم احلامه فى وقت صغير و سنه كمان لسه صغير
بس مش موجودين كتير للاسف
معظم الشباب اللى موجود تفكيرهم محدود و مخهم صغير
يمكن انا غلطانة او دايما الحاجة الوحشة هى اللى بتبان حتى لو كانت قليلة


SASO














الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://3eshhasa7.ibda3.org
 
حـوار مـع عـضـو ...
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: القســـــــــــــم العـــــــــــــــــــام :: حوار فوق صفيح ساخن-
انتقل الى: